Koreya Respublikasidan raqamli pianinolar olib kelindi
« BackPianinoning ohanglari qalbni junbushga keltirib, oq va qora tugmalar orasidan sizib chiqayotgan kuy har qanday insonni sehrlab qoʻyadi. Pianino chalgan ham, uni tinglagan ham bir olam zavq oladi.
Prezidentimizning 2017 yil noyabr oyida Koreya Respublikasiga tashrifi doirasida “Booyoung Housing Co. LTD.” kompaniyasi bilan 2000 ta raqamli pianoni Oʻzbekiston Respublikasi taʼlim muassasalari uchun bepul yetkazib berish boʻyicha shartnoma imzolangan edi.Oʻtgan davr mobaynida viloyatlardagi bir nechta maktabgacha taʼlim muassasalari pianinolar bilan taʼminlandi.
Bugun navbatdagi raqamli pianinolarni Oʻzbekiston Respublikasi Maktabgacha taʼlim va Xalq taʼlimi vazirligiga topshirish marosimi oʻtkazildi. Unda “Booyoung Housing Co. LTD.” kompaniyasi va Toshkent pedagogika kolleji rahbarlari ishtirok etishdi.Soʻzga chiqqanlar ikki davlat oʻrtasidagi hamkorlik aloqalari, Oʻzbekistonda taʼlim sohasida olib borilayotgan oʻzgarishlar haqida fikr yuritdi.
– Oʻzbekistonga pianinolarni yigʻib berish va oʻquvchilarga oʻrgatish uchun keldim, – deydi Koreya Respublikasidagi “Samik” kompaniyasining savdo boʻyicha bosh menejeri, musiqachi Park Xuunil.
– Ikki hafta davomida yurtingiz yoshlariga koreya xalq qoʻshiqlaridan oʻrgatdim. Ular juda iqtidorli. Ishonmanki, ular bu sohada eng yaxshi mutaxassis boʻlib yetishadi.Bu tadbirda Toshkent pedagogika kollejimiz o'quvchilari faol qatnashib o'z bilmlari va mahoratlarini yanada oshirishdi.Tadbir davomida Toshkent pedagogika kolleji oʻquvchilari pianino chalib, xor jamoa koreys xalq qoʻshiqlarini ijro etdi. Maktabgacha taʼlim vazirligi hamkor tashkilotlarga esdalik sovgʻalarini topshirdi.
