Тошкент педагогика коллежида ўзбек мумтоз адабиётининг асосчиси, буюк мутафаккир шоир, ғазал мулкининг султони Мир Алишер Навоий таваллудининг 578 йиллигига бағишланган “Навоийга таъзим” номли адабий-бадиий тадбир бўлиб ўтди.

Тадбир Навоийнинг шаънига битилган шеърлар билан бошланди. Тадбирда А.Навоий номидаги Тошкент Давлат университети  “Ўзбек  тили ва адабиёти” факультети  “Ўзбек тили ва адабиёти  ўқитиш  методикаси” кафедраси катта ўқитувчиси Ҳ.Жўраева иштирок этди. У ўз сўзида  Навоийнинг ибратли ҳикоятларининг бугунги кунда ҳам ўз аҳамиятини йўқотмаганлигини мисоллар билан изоҳлаб  ўтиб, Навоий ғазалларидан таҳлил қилиб, барчани баҳраманд қилди.